کلبھوشن کو پھانسی دی تو تمہارے یہ دو صوبے تم سے چھین لیں گے، بھارت نے پاکستان کو خبردار کر دیا

نئی دہلی ( ویب ڈیسک)بھارتیہ جنتا پارٹی کے رکن نے کہا ہے کہ اگر پاکستان کلبھوشن یادیو کو سزائے موت دیتا ہے تو بھارت کو چاہیے کہ بلوچستان کو ایک آزاد ملک تسلیم کر لے ۔ ”دی ٹائمز آف انڈیا “ کے مطابق انتہا پسند حکمران جماعت بھارتیہ جنتا پارٹی(بی جے پی )کے رکن پارلیمنٹ سبرامینین سوامی نے گزشتہ روز پاکستان کی جانب سے ”را“ کے جاسوس کلبھوشن یادیو کو سزائے موت کا حکم سامنے آنے کے بعد اپنے ٹویٹ میں زہر اگلتے ہوئے کہا ہے کہ اگر ایسا ہو گا تو پھر بھارت کو بھی چاہئیے کہ بلوچستان کو ایک آزاد ملک تسلیم کرے ۔انہوں نے مزید کہا کہ اگرکلبھوشن یادیو کے بعد پاکستان مزید ظلم کرتا ہے تو اس کے صوبہ سندھ کو بھی الگ کر دیا جائے گا۔”بھارتی حکومت کو چاہیے کہ کلبھوشن یادیو کو سزائے موت دینے کی صورت میں پاکستان کو سنگین نتائج سے خبردار کرے“۔

اپنا تبصرہ بھیجیں