مریم نواز کا شکریہ

لاہور (ویب ڈیسک ) ملتان کی پانچ سالہ ننھی گڑیا امان فاطمہ کی لاہور کے مقامی ہسپتال میں کامیاب اوپن ہارٹ سرجری ہوئی ہے جس پر بچی کے والدین نے وزیراعظم نواز شریف اور مریم نواز کا شکریہ ادا کیا اور ڈھیر ساری دعائیں دی۔ملتان سے تعلق رکھنے والی غریب محنت کش امانت علی کی پانچ سالہ بیٹی امان فاطمہ دل کے عارضے میں مبتلا تھی ۔ ملتان میں اس کے علاج کی سہولت میسر نہ تھی۔ بچی کے والدین نے مریم نواز اور وزیراعظم سے بچی کا علاج کرانے کی اپیل کی۔ جس پر مریم نواز نے ایکشن لیتے ہوئے فوری طور پر بچی کو والدین سمیت لاہور بلوایا اور شریف میڈیکل کمپلیکس میں ننھی امان فاطمہ کو علاج کیلئے داخل کرایا۔