چمن : شناختی کارڈ کے حصول کے لیے عوام کو شدید مشکلات کا سامنا

چمن : شناختی کارڈ کے اجراء میں تاخیر پر عوام نادرا کیخلاف سراپا احتجاج ہیں، ان کا کہنا ہے کہ نادرا کا عملہ اضافی رقوم کا مطلبہ کرتا ہے ، متعلقہ حکام نوٹس لیں۔چمن میں کمپوٹرائزڈ شناختی کارڈ کا حصول شہریوں کے لئے ہمیشہ مشکل ترین کام رہا ہے لیکن گذشتہ کچھ عرصے سے چمن کا نادرا آفس شناختی کارڈ کی فراہمی کے لئے لین دین کرنے والے عناصر کا مرکز بن گیا ہے۔یہاں اضافی رقوم کی ادائیگی کے بغیر شناختی کارڈ کا حصول ناممکن ہو گیا ہے، اس صورتحال پر شہریوں نے تشویش کا اظہار کیا ہے ۔شہریوں کا کہنا ہے کہ وہ نادرا کے دفتر تو پہنچ جاتے ہیں مگر دن بھر انتظار کے باوجود ان کو ٹوکن نہیں ملتا۔شہری یہ الزام بھی عائد کرتے ہیں کہ اضافی رقوم دینے کے بعد ہی ٹوکن مل جاتا ہے، شہریوں کا کہنا ہے کہ نادرا اہلکار کاغذات پر اعتراض لگا کر انہیں ٹال دیتے ہیں۔شہریوں کا مطالبہ ہے کہ شناختی کارڈ کے حصول میں انہیں درپیش مشکلات اور نادرا دفتر میں غیر متعلقہ عناصر کے عمل دخل اور غیر قانونی سرگرمیوں میں ملوث اہلکاروں کے خلاف فوری طور کاروائی کی جائے۔

اپنا تبصرہ بھیجیں