اسلام آباد ایئرپورٹ: پرواز میں تاخیر، صوبائی وزراء آپے سے باہر، افسر کو دھکے

اسلام آباد : پی آئی اے کی پرواز میں تاخیر پر گلگت بلتستان کے وزیر غصے میں آپے سے باہر ہوگئے، اسلام آباد ایئرپورٹ پر صوبائی وزیر فدا خان نے پی آئی اے افسر کو دھکے دیئے اور لاؤنج میں اپنی جیکٹیں جلا ڈالیں۔تفصیلات کے مطابق موسم کی خرابی کے باعث فلائٹ تاخیر کا شکار ہونے کی وجہ سے اسلام آباد ایئرپورٹ پر گلگت بلتستان کے وزیر آپے سے باہر ہوگئے، اسلام آباد ایئرپورٹ پر گلگت بلتستان کے وزیر سیاحت فدا خان اور وزیر قانون اورنگزیب خان قانون کو ہی بھول گئے۔