کرتار پور بارڈر کھلنے سے تاریخ رقم ہوگی، پاکستان امن کا خواہش مند ہے، فواد چوہدری

اسلام آباد: وفاقی وزیراطلاعات فواد چوہدری نے کہا ہے کہ کرتار پور بارڈر کھلنے سے تاریخ رقم ہوگی، پاکستان نے اپنے طرز عمل سے ظاہر کیا وہ جنوبی ایشیا میں امن کا خواہش مند ہے۔سماجی رابطے کی ویب سائٹ ٹویٹر پر اپنے ایک ٹویٹ میں فواد چوہدری کا کہنا تھا کہ پاکستان نے اپنے طرز عمل سے ثابت کیا کہ وہ جنوبی ایشیا میں امن کا خواہش مند ہے اور کون سی قوت ہے جو اس اقدام سے مخلص نہیں ہے۔اُن کا کہنا تھا کہ وزیراعظم عمران خان نے کرتار پور بارڈر کھلنے کا فیصلہ اور  اعلان کر کے واضح کر دیاوفاقی وزیر اطلاعات کا کہنا تھا کہ ہمارے اقدام کے بعد تاریخ ان کے بارے میں فیصلہ دے گی جو غلط جانب کھڑے تھے، کس کے اقدامات صحیح تھے اور کن غلط تھا اس بات کا فیصلہ جلد ہونے والا ہے۔یاد رہے کہ پاکستان نے کرتار پور بارڈر کھولنے کا اعلان کیا تھا جس کے بعد بھارت بھی اس اقدام کی تعریف کرنے پر مجبور ہوگیا تھا، نئی دہلی میں خطاب کرتے ہوئے وزیراعظم نریندر مودی کا کہنا تھا کہ ’کرتار پور راہداری کھولنے کا فیصلہ دونوں ممالک کے عوام کو جوڑے گا اور ہم بہتر مستقبل کی طرف جائیں گے‘۔یاد رہے کہ وزیراعظم عمران خان اٹھائیس نومبر کو کرتارپوربارڈر کا افتتاح کریں گے، پاکستان کی جانب سے بھارتی وزیرخارجہ سشما سوراج کو تقریب میں شرکت کی دعوت دی گئی تھی البتہ انہوں نے آنے سے معذرت کرلی۔پاکستان امن کا حامی ہے، پاکستان راہداری کھول کر ایک نئی تاریخ رقم کرنے جارہا ہے۔