لاہور: پاکستان تحریک انصاف (پی ٹی آئی) کے ٹکٹ ہولڈر عباد فاروق کا بیٹا عمار جاں بحق ہوگیا۔
تفصیلات کے مطابق پی ٹی آئی رہنما عباد فاروق 9 مئی کو ہونے والے تشدد کے سلسلے میں گرفتار ہیں۔
عباد فاروق کے بھائی نے بتایا کہ عمار ذہنی بیماری میں مبتلا تھا۔ سات سالہ عمار آج انتقال کر گیا اور اس کی تدفین آج رات کی جائے گی۔
اس سے قبل پارٹی کارکنوں کے نام مبینہ آڈیو پیغام میں گرفتار پی ٹی آئی ٹکٹ ہولڈر عباد فاروق نے دعویٰ کیا تھا کہ وہ پارٹی رہنما یاسمین راشد، اعجاز چوہدری اور محمود الرشید کے ہمراہ کور کمانڈر ہاؤس لاہور پہنچ گئے ہیں۔
عباد فاروق کا کہنا تھا کہ ہمیں یاسمین راشد کی جانب سے کور کمانڈر ہاؤس کو نذر آتش کرنے کی واضح ہدایات مل گئی ہیں، اعجاز چوہدری نے چیئرمین پی ٹی آئی کی رہائی تک نہ رکنے کی بھی ہدایت کی ہے۔
9 مئی کے واقعات
اسلام آباد ہائی کورٹ میں سابق وزیراعظم اور پاکستان تحریک انصاف (پی ٹی آئی) کے سربراہ کی گرفتاری کے بعد ملک بھر میں پرتشدد جھڑپیں شروع ہو گئیں۔
یہ احتجاج دور دراز اور بڑے شہروں میں کیا گیا کیونکہ پارٹی کارکنان اپنے چیئرمین کی گرفتاری کی وجہ سے مشتعل تھے ، بلوچستان ، پنجاب ، خیبر پختونخوا اور اسلام آباد نے امن و امان کو یقینی بنانے کے لئے مسلح افواج کو طلب کیا تھا۔
لاہور میں پی ٹی آئی کارکنوں کے احتجاج کے دوران فوجی تنصیبات اور کور کمانڈر کے گھر پر حملہ کیا گیا۔
واضح رہے کہ تحریک انصاف کے چیئرمین عمران خان کو 5 اگست کو لاہور میں ان کی رہائش گاہ سے گرفتار کیا گیا تھا جب انہیں توشہ خانہ فوجداری کیس میں 5 سال کی نااہلی اور 3 سال قید کی سزا سنائی گئی تھی۔
