لاہور کے ریجنل میٹرولوجیکل سینٹر نے منگل اور بدھ کے لیے موسم اور دھند کی تازہ ترین معلومات فراہم کرتے ہوئے کہا ہے کہ اسلام آباد اور پنجاب میں آج رات موسم انتہائی سرد رہے گا جبکہ کشمیر، گلیات اور گردونواح میں بھی اسی طرح کا موسم متوقع ہے۔
اسلام آباد اور پنجاب کے بیشتر علاقوں میں شدید دھند پڑنے کا امکان ہے جن میں راولپنڈی، بہاولپور، ساہیوال، اوکاڑہ، قصور، لاہور، سیالکوٹ، نارووال، گوجرانوالہ، جہلم، منگلا، فیصل آباد، جھنگ، سرگودھا، منڈی بابا الدین، ٹوبہ ٹیک سنگھ، خانیوال، ملتان، خان پور، رحیم یار خان، حافظ آباد، بھکر، لیہ، ڈیرہ غازی خان اور گردونواح شامل ہیں۔
آئندہ 24 گھنٹوں کے لیے موسم کی پیش گوئی
محکمہ موسمیات کے مطابق صوبے کے بیشتر اضلاع میں موسم سرد اور خشک جبکہ کشمیر، مری، گلیات اور گردونواح میں شدید سرد رہے گا۔
راولپنڈی، بہاولپور، ساہیوال، اوکاڑہ، قصور، لاہور، سیالکوٹ، نارووال، گوجرانوالہ، جہلم، منگلا، فیصل آباد، جھنگ، سرگودھا، منڈی بہاؤالدین، ٹوبہ ٹیک سنگھ، خانیوال، ملتان، خان پور، رحیم یار خان، حافظ آباد، بھکر، لیہ، ڈیرہ غازی خان اور گردونواح سمیت اسلام آباد اور پنجاب بھر میں شدید دھند پڑنے کا امکان ہے۔
اسلام آباد میں شدید دھند
اسلام آباد میں گزشتہ روز موسم سرما میں پہلی بار شدید دھند چھائی رہی جس کے باعث دارالحکومت بھر میں حد نگاہ انتہائی کم رہی۔
